Չինաստանը մեկ տարով հետաձգել է կարևոր մետաղների արտահանման վերահսկողությունը՝ Թրամփի հետ հանդիպումից հետո

ԱՄՆ նախագահ Դոնալդ Թրամփը հայտարարել է, որ Չինաստանը համաձայնել է մեկ տարով հետաձգել հիմնական հազվագյուտ մետաղների արտահանման վերահսկողության ներմուծումը։ Ըստ Թրամփի՝ Սի Ցզինպինի հետ բանակցություններից հետո Պեկինը որոշել է շարունակել այդ մետաղների ազատ մատակարարումը միջազգային շուկաներ, ներառյալ՝ ամերիկյան։

Թրամփը նշել է, որ խոսքը վերաբերում է մի շարք ռազմավարական հանքանյութերի և մագնիսների մատակարարմանը, որոնք լայնորեն կիրառվում են ավտոմեքենաների, հրթիռների և ինքնաթիռների արտադրությունում։ Նա ընդգծել է, որ այս որոշումը կնպաստի առևտրային կայունությանը և կհաղթահարի մատակարարման շղթաների ճգնաժամը։

Միաժամանակ՝ սահմանափակումները, որոնք Չինաստանը հաստատել էր 2025-ի ապրիլին՝ յոթ հազվագյուտ մետաղների (սամարիում, գադոլինիում, տերբիում, դիսպրոզիում, լյութեցիում, սկանդիում, իտրիում) արտահանման համար, մնում են ուժի մեջ։ Վերլուծաբան Թիմ Չժանը այս քայլը գնահատել է որպես «տակտիկական կայունացում»՝ նշելով, որ հնարավոր է՝ ԱՄՆ-ի մաքսատուրքերի հետագա նվազեցման դեպքում Պեկինը պատրաստ լինի նոր զիջումների։