Շվարցնեգերի որդին հայտնվել է հանրության առաջ նիհարելուց հետո՝ ընդգծված մարզվածությամբ

Արնոլդ Շվարցնեգերի 27-ամյա որդին՝ Քրիստոֆեր Շվարցնեգերը, հայտնվել է պապարացիների տեսախցիկների առջև Կալիֆոռնիայի Բրենթվուդ քաղաքում՝ նկատելիորեն նիհարած և մարզված տեսքով։ Daily Mail-ի հրապարակմամբ՝ նա քայլել է ընտանիքի հետ՝ դդում գնելու ժամանակ, կրելով սպիտակ ձգվող մայկա և մոխրագույն տաբատ։

Քրիստոֆերը ցույց է տվել իր ձեռքի մկանները և վստահորեն ներկայացել պարզ, բայց ընդգծված մարզավիճակով։ Նրա կերպարը լրացրել են սպորտային կոշիկները, գոտկատեղին կապած սվիտշոթը և խնամքով դրված ալիքավոր մազերը։

Հայտնի է, որ Շվարցնեգերի որդին վերջին ամիսներին նիհարել է շուրջ 14 կիլոգրամ՝ հրաժարվելով որոշ հանրաճանաչ մթերքներից։ Նոր լուսանկարներն արդեն լայն արձագանք են գտել հոլիվուդյան մեդիայում։