Կրեմլը հերքում է․ «Ռուսաստանն ու ԱՄՆ-ը միջուկային զինաթափման բանակցություններ չեն վարում»

Ռուսաստանի նախագահի մամուլի խոսնակ Դմիտրի Պեսկովը հայտարարել է, որ Մոսկվայի և Վաշինգտոնի միջև ներկայում չեն ընթանում միջուկային զինաթափման որևէ բանակցություններ։ Նրա խոսքերով՝ «այն մանրամասն և փորձագիտական բանակցությունները, որոնց մասին խոսվում է, դեռ չեն սկսվել»։

Պեսկովը հավելել է, որ թեման պարբերաբար բարձրացվում է, սակայն առայժմ գործնական քայլեր չկան։ Նա նաև նշել է, որ ԱՄՆ-ը չի տեղեկացրել Ռուսաստանին միջուկային նոր փորձարկումներ անցկացնելու ծրագրերի մասին՝ նախքան Դոնալդ Թրամփի հրապարակային հայտարարությունները։

Ավելի վաղ Թրամփը հայտարարել էր, թե Միացյալ Նահանգներն արդեն վարում է բանակցություններ Ռուսաստանի հետ միջուկային զինաթափման շուրջ և նույնիսկ առաջարկել է, որ դրանց միանա Չինաստանը։ Կրեմլը, սակայն, հերքում է այդ պնդումը՝ ընդգծելով, որ իրական բանակցություններ չեն ընթանում։