Ռուսական «Պիրանիա-20»-ը գերազանցում է ուկրաինական «Բաբա Յագային» արագությամբ և կառավարելիությամբ

Ռուսական «Պիրանիա-20» անօդաչուն զգալիորեն գերազանցում է ուկրաինական «Բաբա Յագա» դրոնին՝ արագության, մանևրելու և մարտական արդյունավետության առումով։ Այս մասին հայտնել է Սիմբիրսկի կոնստրուկտորական բյուրոյի (СКБ Piranha) հանրային կապերի բաժնի ղեկավարն Известия-ի հետ զրույցում։

Նրա խոսքով՝ «Բաբա Յագան» ծանր կառուցվածք ունի, ինչի հետևանքով դառնում է դանդաղաշարժ և աղմկոտ թիրախ, որը հեշտ է հայտնաբերել հեռվից։ Իսկ «Պիրանիա-20»-ը ավելի թեթև և արագ է, ինչը «բազմապատկում է նրա կենսունակությունն ու արդյունավետությունը մարտի դաշտում»։

Բացի այդ, ըստ ՍԿԲ Piranha-ի, Ռուսաստանում այժմ ամսական արտադրվում է մինչև 10 հազար FPV-տիպի «Պիրանիա» բազմապտուտակ դրոն։ Ավելի վաղ հաղորդվել էր, որ ռուսական մեկ այլ մոդել՝ «Գորգոնա» հեքսակոպտերը, նույնպես գերազանցել է ուկրաինական «Բաբա Յագային» արագությամբ։