Զելենսկի․ Ռուսաստանը մեկ գիշերվա ընթացքում հարձակվել է ավելի քան 650 դրոնով և հրթիռով

Ուկրաինայի նախագահ Վլադիմիր Զելենսկին հայտնել է, որ հոկտեմբերի 30-ի գիշերը ռուսական զինված ուժերը իրականացրել են զանգվածային հարձակում Ուկրաինայի տարածքի վրա՝ օգտագործելով ավելի քան 650 դրոն և շուրջ հիսուն հրթիռ տարբեր տիպերի։ Այս մասին նա գրել է իր Telegram-ալիքում։

«Դա բարդ, համակցված հարված էր՝ հարյուրավոր դրոններով և տասնյակ հրթիռներով», — նշել է Զելենսկին՝ հավելելով, որ ամենամեծ վնասը հասցվել է էներգետիկ ենթակառուցվածքներին։ Ըստ հաղորդումների՝ հարձակման ժամանակ օգտագործվել են «Գերան-2» դրոններ, ինչպես նաև «Կինժալ» և «Կալիբր» հրթիռներ, որոնք խոցել են ռազմական և էներգետիկ օբյեկտներ։

Ավելի վաղ հաղորդվել էր, որ Կիևի մի քանի շրջաններ մնում են առանց էլեկտրականության լարման անկման պատճառով, իսկ մի շարք ենթակայաններ վնասվել են հարվածների հետևանքով։