Սեմյոն Ալտովը դատի է տվել շինարարական ընկերությանը՝ պահանջելով 17,6 միլիոն ռուբլի

Խորհրդային և ռուս հայտնի երգիծաբան Սեմյոն Ալտովը դիմել է դատարան՝ շինարարական ընկերություն «М.Г. Прайват Реконстракшн»-ից 17,6 միլիոն ռուբլի պահանջով։ Նրա հայցը հետևել է նույն ընկերության դիմումին, որը ավելի վաղ պահանջել էր Ալտովից 12,8 միլիոն՝ Լիգովյան բաղնիքների վերակառուցման համար, գրում է Страсти պարբերականը։

Ալտովը նշում է, որ ընկերությունը խախտել է պայմանագրային պայմանները, ինչի հետևանքով նա ստիպված է եղել դիմել հակահայցով՝ պահանջելով ավելի մեծ փոխհատուցում։ Առաջին դատական նիստը նախատեսված է նոյեմբերի 27-ին։

Խոսքը վերաբերում է Սանկտ Պետերբուրգում գտնվող պատմական բաղնիք-լվացքատան շենքին, որը Ալտովը ձեռք էր բերել 2021-ին՝ նպատակ ունենալով վերածել այն մշակութային կենտրոնի և համերգային դահլիճի։ Շինարարական ընկերությունը պնդում է, որ բոլոր աշխատանքները կատարվել են, սակայն պայմանագրի փակման պահին Ալտովի ընտանիքի հետ առաջացել է վեճ, ինչի արդյունքում գործը տեղափոխվել է դատարան։