Ռուսաստանում աճում է օգտագործված էլեկտրամեքենաների պահանջարկը

Սեպտեմբերին Ռուսաստանում վաճառվել է 1629 օգտագործված էլեկտրամեքենա, ինչը 16 տոկոսով գերազանցում է նախորդ ամսվա ցուցանիշը։ Այս տվյալները ներկայացրել է Автостат-ը՝ ընդգծելով, որ ցուցանիշը նաև 50 տոկոսով բարձր է, քան 2024-ի սեպտեմբերին գրանցվածը։

Վաճառքների առաջատարը դարձել է Nissan բրենդը՝ 547 մեքենայով (շուկայի 34%)։ Երկրորդ տեղում է չինական Zeekr-ը՝ 276 մեքենայով, իսկ երրորդը՝ Tesla-ն՝ 192 մեքենայով։ Առաջին հնգյակում են նաև «Москвич» (96) և Volkswagen (89) ապրանքանիշերը։

Ընդհանուր առմամբ՝ 2025-ի հունվարից մինչև սեպտեմբեր Ռուսաստանում վաճառվել է 9843 օգտագործված էլեկտրամեքենա, ինչը 18 տոկոսով գերազանցում է նախորդ տարվա նույն ժամանակահատվածը։ Միևնույն ժամանակ, նոր էլեկտրամեքենաների վաճառքը շարունակել է անկում ապրել՝ օգոստոսին գրանցելով 17 տոկոս նվազում։