Ռուսաստանը վերսկսել է թռիչքները դեպի Սիրիայի ռազմաբազա

Ռուսաստանը վերսկսել է ռազմատրանսպորտային ավիացիայի ինքնաթիռների թռիչքները Սիրիայի իր Հմեյմիմ ավիաբազա: Այս մասին գրում Է Bloomberg-ը։

Ծառայության տվյալներով՝ առնվազն երկու ռուսական ինքնաթիռ է մեկնել Լաթաքիա, որտեղ գտնվում է ավիաբազան։ Մասնավորապես, հոկտեմբերի 26-ին այնտեղ է ժամանել Ռուսաստանի ռազմաօդային ուժերի Ил-62М ինքնաթիռը, որը մեկնել էր Լիբիայից, այնուհետև ուղևորվել է Մոսկվայի մարզ:

Գործակալությունը հղում է արել նաև «Կրեմլին մոտ» աղբյուրին, որը հայտնել է, որ Մոսկվան վերսկսել է թռիչքները դեպի Սիրիայի ավիաբազա գրեթե վեցամսյա դադարից հետո: Հրապարակման մեջ թռիչքների վերսկսումը կապել են այն բանի հետ, որ երկու երկրներն աշխատում են հարաբերությունների վերականգնման ուղղությամբ։