WikiLeaks–ի հիմնադիրը դարձել է հաղորդավար

WikiLeaks-ի հիմնադիր Ջուլիան Ասանժը փորձում է դառնալ հեռուստատեսային հաղորդավար։ WikiLeaks կայքում նշվում է, որ հեռուստահաղորդաշարը լինելու է միջազգային հարաբերությունների ապագան թեմայով։ Հաղորդման հիմնական հյուրերը լինելու են քաղաքական գործիչներ, հայտնի հասարակական գործիչներ ու մտածողներ։ Հաղորդումների շարքը սկսվելու է մարտ ամսից և յուրաքանչյուր հաղորդում տևելու է 30 րոպե։ Հաղորդումը դիտելու են 600 մլն հեռուստադիտողներ։ 

Հիշեցնենք, որ Ջուլիան Ասանժը աշխարհին հայտնի դարձավ իր ստեղծած WikiLeaks կայքով ամերիկյան դիվանագետների և քաղաքական գործիչների գաղտնի նամակագրությունների և այլ գաղտնի տվյալների հրապարակմամբ։ Միացյալ նահանգները նրան մեղադրել էր լրտեսության մեջ, որից հետո 2010 թվականին ձերբակալվել էր Մեծ Բրիտանիայում։ Վերջինս անցյալ տարվա վերջին գրավի դիմաց ազատ էր արձակվել Լոնդոնի դատարանից։