Լուվրի կողոպուտի գործով ևս հինգ կասկածյալ է ձերբակալվել. գողացված արժեքավոր իրերը դեռ չեն գտնվել

Ֆրանսիայի ոստիկանությունը չորեքշաբթի օրը ձերբակալել է Լուվրի թալանի գործով ևս հինգ կասկածյալների, հայտնում են տեղական լրատվամիջոցները՝ հղում անելով Փարիզի դատախազ Լոր Բեկկոյին։ Այսպիսով, աղմկահարույց գործով արդեն ձերբակալվել է յոթ մարդ։ Գողացված  դեռ չեն արժեքավոր իրերը հայտնաբերվել։

Ինչպես հայտնել է դատախազը RTL ռադիոկայանին, ձերբակալվածներից մեկը նույնականացվել է հանցագործության վայրում թողած ԴՆԹ հետքերի միջոցով։ AFP-ն նրան անվանել է գործի հիմնական կասկածյալ։

«Մենք հետևում էինք նրան», - նշել է Բեկկոն։ «Ինչ վերաբերում է մյուս ձերբակալվածներին, նրանք մարդիկ են, որոնք հնարավոր է՝ կարողանան մեզ տեղեկություններ տրամադրել տեղի ունեցածի մասին»։