Թրամփի քայլը անհանգստացրել է Եվրոպային․ Fox News

ԱՄՆ նախագահ Դոնալդ Թրամփը վերանայել է Ուկրաինային աջակցելու իր դիրքորոշումը: Այդպիսով քաղաքական գործիչն անհանգստություն է առաջացրել Եվրոպայում դաշնակիցների շրջանում, հայտնում է ամերիկյան Fox News հեռուստաալիքը։

«Նախագահ Դոնալդ Թրամփի տոնը Ուկրաինայի նկատմամբ վերջին շաբաթներին կտրուկ մեղմացել է։ Թրամփը հիմա, կարծես, շատ ավելի քիչ է ձգտում օգնել Կիևին կամ ստիպել դադարեցնել պատերազմը», - նշել են լրագրողները։

Հեռուստաալիքը նաև ընդգծում է, որ Սպիտակ տան ղեկավարի վերջին գործողությունները, ներառյալ Վոլոդիմիր Զելենսկուն Tomahawk թևավոր հրթիռներ տրամադրելուց հրաժարվելը, շփոթություն են առաջացնում եվրոպական դաշնակիցների շրջանում: Պաշտոնյաները չեն կարող կանխատեսել Թրամփի հետագա քայլերը Ուկրաինայի հարցում: