Ռուսաստանից նավթամթերքի արտահանումը զգալի անկում է գրանցել․ Bloomberg

Այս տարվա հոկտեմբերի 1-26-ը ռուսական նավթամթերքի ծովային արտահանումը միջինում կազմել է օրական 1,89 միլիոն բարել, ինչը ամենացածր մակարդակն է 2022 թվականի հունվարից ի վեր, հաղորդում է Bloomberg-ը՝ հղում անելով Vortexa վերլուծական ընկերության տվյալներին։

Անկումն առավել նկատելի է Բալթիկ ծովի նավահանգիստներում։ Այս միտումը նկատվում է վերջին հինգ տարիների ընթացքում նավթի վերամշակման ծավալների ռեկորդային անկման ֆոնին։

Գործակալության տվյալներով՝ նավթի վերամշակման ծավալները այս տարվա հոկտեմբերին նվազել են մինչև օրական 4,86 միլիոն բարել։