Թրամփ ստիպում է Հունգարիային փնտրել անցանկալի այլընտրանք․ Politic
Աշխարհ
Ռուսաստանի էներգետիկ ոլորտի նկատմամբ ԱՄՆ-ի նոր պատժամիջոցները կարող են Հունգարիային ստիպել դիմել Խորվաթիային, ինչից Բուդապեշտը երկար ժամանակ խուսափում էր: Այս մասին հայտնում է Politico-ն։
«Հունգարիայի վարչապետ Վիկտոր Օրբանն ամեն ինչ արել է ռուսական նավթից չհրաժարվելու համար։ Եթե պատժամիջոցներ կիրառվեն, Հունգարիան ստիպված կլինի լրջորեն մտածել այլընտրանքների մասին», - հայտարարել է անկախ վերլուծաբան Պետեր Կրեկոն։
Ինչպես նշում են նյութի հեղինակները, ռուսական էներգակիրներից հնարավոր հրաժարումը Հունգարիայից կպահանջի «խաղաղություն կնքի» Խորվաթիայի հետ: Մասնավորապես, Բուդապեշտը Զագրեբին մեղադրում է այն բանում, որ երկիրը «կողոպտիչ վճար» է գանձում իր արտահանվող ապրանքների տարանցման համար, իսկ նրա խողովակաշարային համակարգը «ֆիզիկապես ի վիճակի չէ բավարարել Հունգարիայի նավթի պահանջները»:
Սակայն Խորվաթիայի էկոնոմիկայի նախարար Անտե Շուշնյարը հայտարարել է, որ այդ մեղադրանքները վաղեմի բնույթ են կրում և «բոլորովին չեն համապատասխանում իրականությանը»: Նրա խոսքով՝ հունգարական կողմի հայտարարությունները «պատրվակ են ռուսական նավթ գնելու համար»:
ՈՒՂԻՂ ԵԹԵՐ
Ամենադիտված 
Այսօր մեր ընտանիքին բաժին հասավ ամենածանր կորուստը
