Կոլումբիայի նախագահի ինքնաթիռը ԱՄՆ պատժամիջոցների պատճառով՝ հրաժարվել են լիցքավորել

Կոլումբիայի նախագահ Գուստավո Պետրոյի ինքնաթիռը, որը նրան տեղափոխում էր Սաուդյան Արաբիա, ԱՄՆ պատժամիջոցների պատճառով՝ Կաբո Վերդե կղզիներում հրաժարվել են լիցքավորել, հաղորդում է El Pais-ը։

Իր X սոցիալական ցանցի էջում Կոլումբիայի առաջնորդը գրել է, որ իր Boeing 737-700-ը, ի վերջո, կարողացել է կանգ առնել Մադրիդի ռազմական բազայում վառելիքով լիցքավորելու համար։ Հրատարակության տվյալներով՝ դա տեղի է ունեցել Իսպանիայի կառավարության միջամտությունից հետո։

Պետրոն նաև կոչ է արել խզել Կաբո Վերդեում գտնվող ամերիկյան վառելիքի մատակարարման ընկերության հետ կնքված պայմանագիրը։