Դանիան Ռուսաստանի պատճառով՝ ուժեղացրել է իր ռազմական ներկայությունը Գրենլանդիայում․ Bloomberg

Անցյալ տարվա ընթացքում դանիական հետախուզական գործակալությունները փոխել են իրենց հռետորաբանությունը՝ զգուշացնելով, որ Արկտիկայում Ռուսաստանի և ՆԱՏՕ-ի միջև հակամարտության սրման ռիսկը ավելի բարձր է, քան երբևէ, հաղորդում է Bloomberg-ը։

Հոկտեմբերին Դանիայի կառավարությունը հայտարարեց Արկտիկայի համար երկրորդ ռազմական փաթեթի մասին, որը ներառում է ներդրումներ Գրենլանդիայում ծովային պաշտպանության լրացուցիչ հնարավորությունների մեջ, այդ թվում՝ սուզանավերի հսկողության և հակազդեցության համար պարեկային ինքնաթիռներ, ինչպես նաև արկտիկական նավեր և սառցահատներ։

«Մենք քննարկում ենք ապագա սպառնալիքների սցենարները, որոնց կհանդիպենք», - ասել է Գրենլանդիայում Արկտիկական համատեղ հրամանատարության ղեկավար Սյորեն Անդերսենը։