Արևմուտքում զարմացել են․ 1990-ականների «Super Hornet»-ը «խփել է» նորագույն F-35-ին

Արևմտյան Military Watch Magazine-ը հաղորդում է, որ ԱՄՆ նավատորմի F/A-18E Super Hornet կործանիչը, ստեղծված դեռ 1990-ականներին, զորավարժությունների ժամանակ «խփել» է հինգերորդ սերնդի F-35B Lightning II ինքնաթիռը։ Պատահարն արձանագրվել է բրիտանական Prince of Wales ավիակիրի վրա անցկացված թռիչքային փորձերի ընթացքում։

Հրապարակման մեջ նշվում է, որ այս «հաղթանակը» մեծ արձագանք է առաջացրել՝ հաշվի առնելով երկու ինքնաթիռների տեխնոլոգիական տարբերությունը։ Մինչդեռ F-35-ը համարվում է Արևմուտքի ամենաառաջադեմ մարտական օդանավը, Super Hornet-ը պատկանում է նախորդ՝ չորրորդ սերնդի դասին։

Փորձագետները նշում են, որ միջադեպը ևս մեկ անգամ ցույց տվեց F-35-ի թույլ կողմերը մերձամարտի պայմաններում։ Նշվում է, որ նման իրավիճակներում ռուսական հինգերորդ սերնդի Սու-57 ինքնաթիռը, ըստ գեներալ-մայոր Վլադիմիր Պոպովի, գերազանցում է ամերիկյան F-35-ին իր բարձր մանևրունակությամբ։