ԱՄՆ-ն չի մասնակցի ՄԱԿ-ի կլիմայական համաժողովին․ Reuters
Աշխարհ
Միացյալ Նահանգները բարձրաստիճան պաշտոնյաներ չի ուղարկի ՄԱԿ-ի Կլիմայի փոփոխության 30-րդ համաժողովին (COP30), ուրբաթ օրը հաղորդել է Reuters-ը՝ հղում անելով Սպիտակ տան մամուլի խոսնակին։
«ԱՄՆ-ն պատվիրակություն չի ուղարկի Բրազիլիայում կայանալիք COP30-ին», - ասել է գործակալության աղբյուրը՝ նշելով, որ Վաշինգտոնի կողմից բանակցությունները խափանելու հնարավոր փորձերի վերաբերյալ համաշխարհային առաջնորդների մտահոգությունները անհիմն են։
Ըստ Reuters-ի՝ ԱՄՆ վարչակազմում կլիմայական օրակարգի կարևորությունը ներկայումս վերանայվում է։ Սպիտակ տան խոսնակը մեջբերել է Բիլ Գեյթսի այս շաբաթ հրապարակված հուշագիրը, որում միլիարդատերը նշել է, որ մարդկությունը «չպետք է կենտրոնանա միայն գլոբալ տաքացման սահմանափակման վրա», քանի որ կլիմայի փոփոխությունը «չի հանգեցնի մարդկության վերջի»։
ՈՒՂԻՂ ԵԹԵՐ
Ամենադիտված 
Նորայրը մեկնել էր հանգստի, արդեն վերադառնում է. նոր մանրամասներ՝ ողբերգական դեպքից
