Ինչ նավեր և սուզանավեր է ԱՄՆ-ն ուղարկել Վենեսուելա. WP

ԱՄՆ-ն ռազմանավեր, սուզանավեր և հազարավոր զինվորներ է ուղարկել Վենեսուելայի ափեր, հաղորդում է The Washington Post-ը։

Հոդվածում նշվում է, որ Կարիբյան ավազանում ամերիկյան ռազմական ուժերի և ակտիվների լայնածավալ կուտակումը ցույց է տալիս, որ ԱՄՆ վարչակազմը պատրաստվում է ընդլայնել գործողությունները տարածաշրջանում՝ սրելով Վաշինգտոնի և Կարակասի միջև լարվածությունը և մեծացնելով ԱՄՆ-ի կողմից Վենեսուելայի վրա առաջին հարվածների հավանականությունը։

«Կարիբյան ավազանում գտնվող ամերիկյան ուժերը ներառում են ութ ռազմանավ, հատուկ գործողությունների նավ և միջուկային հարձակողական սուզանավ։ Երբ USS Gerald R. Ford ավիակիրը հաջորդ շաբաթ ժամանի Կարիբյան ավազան, այն իր հետ կբերի ևս երեք ռազմանավ և ավելի քան 4000 զինվոր», - գրում է The Washington Post-ը։