«Թեժ լինելը դժվար է». Շերոն Սթոունը պաշտպանում է Սիդնի Սուինին

Հոլիվուդյան աստղ Շերոն Սթոունը պաշտպանել է իր կոլեգա Սիդնի Սուինիին՝ American Eagle բրենդի համար նկարահանված սկանդալային գովազդային տեսահոլովակի շուրջ առաջացած քննադատություններից։ Ինչպես գրում է Page Six-ը, Սթոունը հայտարարել է․ «Ոչինչ վատ չկա նրանում, որ մարդ օգտագործում է այն, ինչ իրեն տվել է մայր բնությունը։ Թեժ լինելը դժվար է, և դա նորմալ է»։

Գովազդային արշավը, որը հայտնվել էր համացանցում հուլիսին, ներկայացնում էր Սուինիին՝ ջինսե բաճկոնով պաստառի վրա «Sydney Sweeney Has Great Genes» («Սիդնի Սուինին ունի հիանալի գեներ») գրությամբ։ Շատ օգտատերեր հայտարարությունը համարել էին ռասիստական ենթատեքստով՝ նշելով, թե բրենդը «գովաբանում է սպիտակ մաշկի ունեցողների արտաքինը»։

67-ամյա Սթոունը, ելույթ ունենալով Variety-ի «Power of Women» միջոցառման ընթացքում, հավելել է․ «Կարևոր է ընդունել և օգտագործել սեփական սեքսուալությունը, երբ զգում ես քեզ վստահ։ Դա ոչ միայն բնական է, այլև ազատող»։ Սուինին ավելի վաղ նույնպես քննադատվել էր հանրային միջոցառման ժամանակ թափանցիկ զգեստ կրելու համար։