Արայիկ Հարությունյանը մեղադրեց լրագրողներին՝ քաղաքականությամբ զբաղվելու մեջ (տեսանյութ)
ՏեսանյութերՄայր Աթոռի դեմ որևէ գրոհ չի լինելու։ Մենք սիրով, հանդուրժողականությամբ, ինչպես 2018 թվականին ազատագրել ենք պետությունը քրեաօլիգարխիկ համակարգից, այսպես էլ բարոյականություն ենք բերելու Մայր Աթոռ։ Այս մասին Հովհաննավանքում լրագրողների հետ զրույցում ասաց Հայաստանի վարչապետի աշխատակազմի ղեկավար Արայիկ Հարությունյանը։
Նա կոչ արեց լրագրողներին խնդրել Կաթողիկոս Գարեգին Երկրորդին ասուլիս հրավիրել․ «Մենք հանրության ձայնն ենք բարձրացնում։ Իսկ հանրության մեջ հարց կա՝ Կտրիճ Ներսիսյանը ո՞ւնի երեխա, թե ոչ։ Մի օր ասուլիս հրավիրեք, ուղիղ հարցրե՛ք»։
Լրագրողը, սակայն, միջամտեց՝ «Դա ձեր օրակարգն է։ Դա եկեղեցու ներքին խնդիրն է, գոյություն ունի հանձնաժողով, թող իրենք որոշեն»։
Սրան ի պատասխան՝ Հարությունյանն ասաց․ «Բացահայտեցիք ձեր օրակարգը, դուք հիմա զբաղվում եք քաղաքականությամբ, այլ ոչ թե լրագրությամբ։ Որովհետև եթե հանրության մի փոքր խմբի մեջ կա հարց՝ Կտրիճ Ներսիսյանն ո՞ւնի երեխա, թե ոչ, պարտավոր եք նրան հարցնել»։
Տեսանյութը՝ «Առավոտի»։
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
