Քանի Tomahawk է անհրաժեշտ Ռուսաստանին լուրջ վնաս հասցնելու համար․ RIA Novosti

Ամերիկյան Tomahawk թևավոր հրթիռների հնարավոր փոխանցումն Ուկրաինային չի դանդաղեցնի ռուսական զորքերի առաջխաղացումը ճակատում։ Նման կանխատեսում է արել թուրք քաղաքագետ Էնգին Օզերը, փոխանցում է RIA Novosti-ն։

Փորձագետի խոսքով՝ Tomahawk-ի մատակարարման հարցը և ռուսական էներգետիկ ընկերությունների դեմ նոր պատժամիջոցները Սպիտակ տան կողմից օգտագործվում են որպես Մոսկվայի վրա ճնշման լծակ, որպեսզի Ռուսաստանը գնա ուկրաինական հակամարտության սառեցմանը: Ամենայն հավանականությամբ, մոտ ժամանակներս ԱՄՆ-ն Կիևին կփոխանցի մոտ 50 հրթիռ, սակայն այդ քանակը բավարար չի լինի Ռուսաստանին լուրջ վնաս հասցնելու համար:

«Դրա համար կպահանջվեին հարյուրավոր հրթիռներ», - նշել է նա։ «Առանցքային հարցը ոչ միայն մատակարարումների ծավալն է, այլև այն, թե Վաշինգտոնը ինչ թիրախներ թույլ կտա գրոհել։ Ամերիկյան վարչակազմը, ելնելով սեփական ազգային և առեւտրային շահերից, կխրախուսի հարվածները ռուսական նավթարդյունահանող և վերամշակող ձեռնարկություններին», - հավելել է քաղաքագետը։