Եվրախորհրդարանի պատգամավորները դատարանում կվիճարկեն ԵՄ-ի և Հարավային Ամերիկայի երկրների միջև կնքված համաձայնագիրը

Եվրոպական Միության և Հարավամերիկյան ընդհանուր շուկայի (Մերկոսուր) միջև առևտրային համաձայնագիրը շուտով կարող է դատարանում վիճարկվել Եվրախորհրդարանի անդամների կողմից, հաղորդում է Euractiv պորտալը։

Հաջորդ շաբաթ համաձայնագրի հակառակորդների միջկուսակցական խումբը Եվրախորհրդարան կներկայացնի բանաձև, որով կոչ կանի Եվրոպական դատարանին որոշել, թե արդյոք Մերկոսուրի հետ համաձայնագիրը համապատասխանում է ԵՄ պայմանագրերին։

Եթե բանաձևն ընդունվի, և դատարանը համաձայնվի քննել գործը, համաձայնագրի վերջնական մշակման գործընթացը կարող է տարիներ շարունակ ձգձգվել։