Ստամբուլում ավարտվել է յոթ երկրի ԱԳՆ նախարարների հանդիպումը՝ Գազայի իրավիճակի վերաբերյալ

Ստամբուլում ավարտվել է, ավելի քան երկու ժամ տևած, յոթ երկրների արտաքին գործերի նախարարների հանդիպում՝ Գազայի հրադադարի վերաբերյալ, հաղորդում է «ՌԻԱ Նովոստիի» թղթակիցը։

Ստամբուլում կայացած հանդիպմանը մասնակցել են Թուրքիայի, ԱՄԷ-ի, Ինդոնեզիայի, Կատարի , Պակիստանի, Սաուդյան Արաբիայի և Հորդանանի նախարարները։

Թուրքիայի արտաքին գործերի նախարարության աղբյուրը նախկինում «ՌԻԱ Նովոստի»-ին հայտնել էր, որ երկրի արտաքին գործերի նախարար Հաքան Ֆիդանը պլանավորում է իր գործընկերների ուշադրությունը հրավիրել Իսրայելի կողմից տարբեր պատրվակներով հրադադարը խաթարելու փորձերի վրա։