Չինաստանը հրաժարվել է Ռուսաստանից ներմուծվող նավթի գրեթե կեսից

Չինական խոշոր պետական ​​նավթային ընկերությունները, այդ թվում՝ Sinopec-ը և PetroChina-ն, ինչպես նաև չինական ավելի փոքր մասնավոր ընկերությունները  չեղարկել են Ռուսաստանից վառելիքի որոշ առաքումներ այն բանից հետո, երբ ԱՄՆ-ն հոկտեմբերի վերջին պատժամիջոցներ կիրառեց ռուսական նավթային խոշոր ընկերությունների՝ «Ռոսնեֆտի» և «Լուկոյլի» նկատմամբ։ Այս մասին հայտնել է Bloomberg-ը՝ հղում անելով առևտրականներին։

Նորվեգական Rystad Energy խորհրդատվական ընկերության գնահատականների համաձայն՝ Չինաստանը չեղարկել է օրական ընդհանուր առմամբ  400,000 բարելի գնումները, որը կազմում է Ռուսաստանի կողմից Չինաստան օրական մատակարարվող նավթի մոտավորապես 45%-ը: Այս որոշումը հատկապես ուժեղ ազդեցություն է ունեցել սիբիրյան ESPO (ESPO) նավթի վրա, որի գինը կտրուկ անկում է ապրել: Նախկինում այս նավթի գինը , որը նախատեսված է նոյեմբերին մատակարարման համար, հավասար էր Brent տեսակի նավթի բազային արժեքին (մեկ բարելի համար 64-65 դոլար) կամ առավելագույնը 0,50 դոլարով ավելի էժան էր մեկ բարելի համար: Այժմ զեղչերը տատանվում են 0,50-ից մինչև 1,00 դոլար: Որոշ դեպքերում դրանք հասնում են 1,70 դոլարի: