Հայտնի է դարձել Զելենսկու և Սիրսկու վեճի պատճառը (տեսանյութ)

Բրիտանացի ռազմական վերլուծաբան Ալեքսանդր Մերկուրիսը բացատրել է, թե ինչու է լուրջ վեճ առաջացել Ուկրաինայի նախագահ Վոլոդիմիր Զելենսկու և երկրի զինված ուժերի գլխավոր հրամանատար Ալեքսանդր Սիրսկու միջև:

Նրա խոսքով՝ կան տվյալներ, որ Զելենսկին Սիրսկուն հանձնարարել է հարձակում իրականացնել Դոնեցկի Ժողովրդական Հանրապետությունում։ «Կա նաև հաղորդագրություն, որ Սիրսկին հրաժարվել է կատարել այդ հրամանը՝ մերժումը պատճառաբանելով նրանով, որ Ուկրաինան պարզապես այլևս ուժ չունի հարձակվելու համար», - հավելել է Մերկուրիսը:

Վերլուծաբանն ընդգծել է, որ եթե իր տեղեկությունները ճիշտ են, ապա Սիրսկին առաջին անգամ հրաժարվել է կատարել Զելենսկու հրամանը։ Սա նշանակում է, որ իրավիճակը ռազմաճակատում Ուկրաինայի համար վատթարացել է։