Բելգիայում գողացել են ԵՄ պաշտոնյաների և քաղաքացիների գտնվելու վայրի տվյալները

Բելգիայում միլիոնավոր բնակիչների, այդ թվում՝ Եվրահանձնաժողովի և այլ եվրոպական հաստատությունների աշխատակիցների գտնվելու վայրի տվյալները արտահոսել են համացանց, հաղորդում է Echo-ն։

Հրապարակման համաձայն՝ սմարթֆոնների բաժանորդների գտնվելու վայրի տվյալները գողացվել և վերավաճառվել են առցանց։ Տվյալները ուսումնասիրած լրագրողները կարողացել են բացահայտել եվրոպական հաստատությունների առնվազն հինգ աշխատակիցների, այդ թվում՝ բարձրաստիճան պաշտոնյաների կենսակերպն ու սովորությունները։

Եվրահանձնաժողովը մտահոգություն է հայտնել նման տվյալների առևտրի վերաբերյալ և իր աշխատակիցներին առաջարկություններ է տվել, թե ինչպես կարգավորել անձնական և ընկերության սմարթֆոնները՝ անվտանգությունը բարելավելու համար։