Մեր ուժը՝ ժողովրդի եղբայրության մեջ է. Ռամզան Քադիրով

Չեչնիայի ղեկավար Ռամզան Քադիրովը շնորհավորել է Ռուսաստանի քաղաքացիներին՝ Ժողովրդական միասնության օրվա կապակցությամբ՝ ընդգծելով, որ այս տոնը խորհրդանշում է ռուս ժողովրդի միասնությունն ու տոկունությունը։ Telegram-ում հրապարակած իր ուղերձում Քադիրովը նշել է, որ «Ռուսաստանը դարեր շարունակ եղել և մնում է ժողովուրդների եղբայրության օրինակ, որտեղ տարբեր ազգություններն ու կրոնները ապրում են խաղաղության և հարգանքի մեջ»։

Քադիրովը նշել է, որ բազմազանությունը Ռուսաստանի հզորության և կայունության հիմնասյունն է։ Նրա խոսքով՝ «մեր ուժը՝ մեր միասնության, հայրենիքի հանդեպ սիրո և ընդհանուր հավատքի մեջ է, որը մեզ դարձնում է անպարտ»։

Նա շնորհավորել է բոլոր ռուսաստանցիներին տոնի կապակցությամբ՝ մաղթելով առողջություն, բարօրություն, խաղաղություն և նոր հաջողություններ։ Ավելի վաղ Քադիրովը ցուցադրել էր Գրոզնիում բացված նոր ավտոպարկը՝ բաղկացած 45 շքեղ մեքենաներից, որոնք նախատեսված են վարձակալության ծառայության համար։