Կորեայի Ժողովրդադեմոկրատական Հանրապետության նախկին ղեկավար Կիմ Յոն Նամը մահացել է 97 տարեկանում

ԿԺԴՀ-ի նախկին բարձրագույն պաշտոնյան՝ Կիմ Յոն Նամը, որը 1998-ից մինչև 2019 թվականը պաշտոնապես համարվում էր երկրի պետության գլուխը, մահացել է 97 տարեկանում՝ ուռուցքային հիվանդության հետևանքով։ Այս մասին հայտնել է Կորեայի Կենտրոնական Տելեգրաֆային գործակալությունը (ԿՏԱԳ)։

Հաղորդագրության մեջ նշվում է, որ «Կիմ Յոն Նամի կյանքը եղել է հեղափոխական ճանապարհ՝ նշանավորված կուսակցության և առաջնորդի հանդեպ անսասան հավատարմությամբ ու ծառայությամբ»։ Քաղաքական գործիչը ծնվել էր 1928 թվականին Փհենյանում, ուսանել էր Ռուսաստանում՝ Տոմսկի և Ռոստովի պետական համալսարաններում։

Կիմ Յոն Նամը երկար տարիներ զբաղեցրել է կուսակցական բարձր պաշտոններ, իսկ 1998-ին դարձել է ԿԺԴՀ Գերագույն Ժողովրդական ժողովի նախագահ, ինչը նրան դե ֆակտո դարձրել էր պետության ղեկավար։ Նա ներկայացրել էր երկիրը բազմաթիվ միջազգային միջոցառումների ընթացքում, այդ թվում՝ 2008-ի Պեկինի և 2014-ի Սոչիի Օլիմպիական խաղերում։ Նրա հուղարկավորության հանձնաժողովում ընդգրկվել է 100 մարդ, այդ թվում՝ երկրի առաջնորդ Կիմ Չեն Ընը։ Հուղարկավորությունը կկայանա նոյեմբերի 5-ին։