Մահացել է Մեծ Բրիտանիայի ամենահարուստ մարդը՝ հնդկական ծագմամբ գործարար Գոպի Հինդուջան

Մեծ Բրիտանիայում 86 տարեկանում մահացել է երկրի ամենահարուստ մարդը՝ հնդկական ծագմամբ գործարար Գոպի Հինդուջան։ Այս մասին հայտնում է Financial Times-ը՝ հղում անելով իր աղբյուրներին։

Գոպի Հինդուջան համարվում էր Hinduja Group միջազգային կորպորացիայի համահիմնադիրներից մեկը։ Նրա ընտանիքը տասնամյակներով զբաղվում էր ներդրումային և արդյունաբերական գործունեությամբ՝ ունենալով բիզնեսներ էներգետիկայի, ֆինանսների, ավտոմոբիլաշինության և լրատվամիջոցների ոլորտներում։

Sunday Times Rich List-ի համաձայն՝ Հինդուջայի ընտանիքի ընդհանուր կարողությունը գնահատվում էր ավելի քան 37 միլիարդ ֆունտ ստեռլինգ՝ դարձնելով նրանց ոչ միայն Մեծ Բրիտանիայի, այլև Եվրոպայի ամենահարուստ ընտանիքներից մեկը։