Եվրահանձնաժողովը առաջարկել է ԵՄ-ում նոր երկրներ ընդունել «փորձաշրջանով»

Եվրահանձնաժողովն առաջարկել է «փորձաշրջանի» համակարգ ԵՄ նոր անդամ պետությունների, այդ թվում՝ Ուկրաինայի և Մոլդովայի համար, ինչը ենթադրում է անդամակցություն սահմանափակ իրավունքներով։

«ԵՄ նոր անդամները կարող են ընդունվել մի քանի տարվա փորձաշրջանով»,- հայտարարել է ընդլայնման հարցերով եվրահանձնակատար Մարթա Կոսը։ Նա բացատրել է, որ այդ ընթացքում նրանց իրավունքները կարող են սահմանափակվել, նրանք նույնիսկ կարող են վտարվել համայնքից, եթե չկատարեն ԵՄ բոլոր պահանջները։