Մերցը սպառնացել է սիրիացի փախստականներին․ Bild

Սիրիացի փախստականները պետք է վերադառնան հայրենիք, այլապես նրանց կարտաքսեն։ Այս մասին հայտարարել է Գերմանիայի կանցլեր Ֆրիդրիխ Մերցը, փոխանցում է Bild թերթը։

«Սիրիայում քաղաքացիական պատերազմն ավարտվել է, Գերմանիան այլևս ապաստան տրամադրելու հիմքեր չունի։ Նրանք, ովքեր կհրաժարվեն Գերմանիայից հայրենիք վերադառնալ, կարող են արտաքսվել», - ասել է պաշտոնյան։ Կանցլերը հույս է հայտնել, որ փախստականների մեծ մասն ինքնուրույն կվերադառնա Սիրիա և կմասնակցի երկրի վերականգնմանը: