Գերմանիայի արտաքին գործերի նախարար Վադեֆուլը կարող է հրաժարական տալ

Գերմանիայի արտաքին գործերի նախարար Յոհան Վադեֆուլը նյարդայնացրել է CDU/CSU խորհրդարանական խմբակցության անդամներին սիրիացի փախստականների՝ հայրենիք վերադարձի վերաբերյալ իր հայտարարությամբ, հաղորդում է Der Spiegel-ը։

Վերջերս Սիրիա կատարած այցի ժամանակ Վադեֆուլը հայտարարել է, որ չի սպասում, որ Գերմանիայից փախստականները կվերադառնան հայրենիք, քանի որ «անհնար է այնտեղ իսկապես արժանապատիվ կյանքով ապրել»։ Այս հայտարարությունը վրդովմունք է առաջացրել CDU/CSU-ում, քանի որ կուսակցությունը պաշտպանում է արտաքսումը։

Ավելի ուշ, խորհրդարանական խմբի նիստում նա երկար ելույթ է ունեցել այս հարցի վերաբերյալ, սակայն մասնակիցներից մեկը այն որակել է՝ որպես «սարսափելի»։ Աղբյուրների համաձայն՝ Վադեֆուլը փորձել է արդարանալ՝ պնդելով, որ Սիրիայում ավերածություններն ավելի վատ են, քան Գերմանիայում Երկրորդ համաշխարհային պատերազմից հետո։

«Նրա խոսքերը դիմավորվել են միայն թույլ ծափահարություններով։ Խորհրդարանական խմբի որոշ անդամներ սա մեկնաբանում են՝ որպես նշան, որ նախարարը չի վայելում անդամների մեծամասնության աջակցությունը»։ Մասնավոր զրույցներում ոմանք արդեն պահանջում են Վադեֆուլի հրաժարականը։ Մասնակիցներն ասել են, որ Վադեֆուլը ցնցված է», - ասվում է տեքստում։