Համաշխարհային առաջնորդներից ով կարժանանա Թրամփի ներողամտությանը․ Reuters

ԱՄՆ-ն ՄԱԿ-ի Անվտանգության խորհուրդ է ներկայացրել Սիրիայի նախագահ Ահմեդ Ալ-Շարաայի նկատմամբ պատժամիջոցները չեղարկելու մասին բանաձևի նախագիծ՝ ամերիկացի պաշտոնակից Դոնալդ Թրամփի հետ հանդիպումից առաջ, նոյեմբերի 10-ին: Այս մասին հայտնում է Reuters-ը՝ վկայակոչելով համապատասխան փաստաթուղթը։

Հաղորդվում է, որ նախագիծը նախատեսում է նաև Սիրիայի ներքին գործերի նախարար Անասս Խաթաբի դեմ պատժամիջոցների վերացում: Նախաձեռնության ընդունման համար անհրաժեշտ է առնվազն ինը կողմ ձայն և վետոյի բացակայություն ՄԱԿ-ի Անվտանգության խորհրդի մշտական անդամների՝ Ռուսաստանի, Չինաստանի, ԱՄՆ-ի, Ֆրանսիայի և Մեծ Բրիտանիայի կողմից:

Միևնույն ժամանակ, The Wall Street Journal-ը նշել է, որ Թրամփի վարչակազմը հույս ունի ամրապնդել Սիրիայի առաջնորդի դիրքերը Սպիտակ տուն նրա այցից առաջ՝ հասնելով պատժամիջոցների մասին առանցքային օրենքի չեղարկմանը, որը գործում է 2019 թվականից: Ընդ որում, ԱՄՆ Կոնգրեսում պահպանվում են մտավախությունները, որ Դամասկոսի վրա ճնշման թուլացումը կարող է հանգեցնել երկրում արմատական ուժերի ազդեցության ամրապնդմանը: