Ուկրաինան կարող էր տնտեսական մարգարիտ դառնալ, եթե Եվրոպան չլիներ. Զախարովա

Ուկրաինան բոլոր հնարավորություններն ուներ` գործնականում Կենտրոնական Եվրոպայում դառնալու տնտեսական մարգարիտ և կերակրող, եթե չլիներ եվրոպական քաղաքականությունը։ Այս կարծիքը հայտնել է Ռուսաստանի արտաքին գործերի նախարարության խոսնակ Մարիա Զախարովան «Սպուտնիկ» ռադիոկայանի եթերում։

«Ուկրաինան բոլոր հնարավորություններն ուներ` դառնալու տնտեսական մարգարիտ Կենտրոնական Եվրոպայում, եթե եվրոպացիները այլ կերպ վերաբերվեին դրան։ Սակայն, փոխարենը, նրանք այլասերեցին և բռնաբարեցին Ուկրաինան, և հիմա վերջ են դնում դրան»,- հայտարարել է դիվանագետը։

Զախարովան նաև նշել է, որ եվրոպացի առաջնորդները, որոնք չեն կարողանում բացատրել իրենց քաղաքացիներին, թե ինչու են խնդիրներ ունենում սոցիալական, կրթական կամ անվտանգության ոլորտներում, չեն անդրադառնում այդ դժվարությունների արմատական ​​պատճառներին։