Ուկրաինայում խաղաղության հաստատման ջանքերը պետք է հաշվի առնեն առաջնագծում առկա իրողությունները. Թուրքիայի ԱԳ նախարար Ֆիդան

Ռուսաստան-Ուկրաինա հակամարտության կարգավորմանն ուղղված խաղաղության ջանքերը պետք է հաշվի առնեն առաջնագծում առկա իրողությունները և կողմերի շահերը։ Այս մասին հայտարարել է Թուրքիայի արտգործնախարար Հաքան Ֆիդանը, հաղորդում է ՏԱՍՍ-ը։

Հոկտեմբերի 31-ին Financial Times-ը հաղորդել է, որ ԱՄՆ նախագահ Դոնալդ Թրամփը չեղարկել է Բուդապեշտում Ռուսաստանի նախագահ Վլադիմիր Պուտինի հետ հանդիպումը այն բանից հետո, երբ Մոսկվան Վաշինգտոնին է ուղարկել հակամարտության կարգավորման իր տեսլականը ներկայացնող հուշագիր։

Financial Times-ի տվյալներով՝ Թրամփը «չէր տպավորվել» Ռուսաստանի դիրքորոշմամբ։ Ավելին, ԱՄՆ պետքարտուղար Մարկո Ռուբիոն ամերիկացի առաջնորդին ասել է, որ Մոսկվան պատրաստ չէ բանակցել։