Իլոն Մասքի հայրը կոչել է Վլադիմիր Պուտինին «իրական տղամարդ»

Ամերիկացի միլիարդատեր Իլոն Մասքի հայրը՝ հարավաֆրիկացի բիզնեսմեն Էռոլ Մասքը, բարձր է գնահատել Ռուսաստանի նախագահ Վլադիմիր Պուտինին՝ նրան անվանելով «իրական տղամարդ»։ Նրա խոսքերը մեջբերում է ՏԱՍՍ գործակալությունը։

«Ես լսել եմ նրան, և նա միշտ թողել է շատ հավասարակշռված և հանգիստ մարդու տպավորություն։ Նա չի բորբոքվում, չի գոռում, միշտ խոսում է տրամաբանորեն։ Ես միշտ մտածել եմ, որ նա շատ խելամիտ բաներ է ասում։ Ինչպես արդեն նշել եմ, նա իսկական տղամարդ է», — ասել է Մասքը՝ անդրադառնալով Պուտինի վարքագծին ու ղեկավար ոճին։

Ավելի վաղ Մասք-ավագը հայտնել էր, որ կցանկանար ստանալ Ռուսաստանի քաղաքացիություն՝ ընդգծելով, որ դա մեծ պատիվ կլիներ իր համար։ Նրա հայտարարությունները լայն արձագանք են գտել համաշխարհային մամուլում՝ առաջացնելով տարաբնույթ մեկնաբանություններ։