ՀԱՄԱՍ-ը կհանձնի ևս մեկ պատանդի մարմին
Աշխարհ
«Ալ-Քասամի բրիգադները» (պաղեստինյան «ՀԱՄԱՍ» շարժման ռազմական թևը) հայտարարել են, որ չորեքշաբթի երեկոյան կհանձնեն ևս մեկ մահացած իսրայելցի պատանդի մարմին։
«Փոխանակման համաձայնագրի շրջանակում «Ալ-Քասսամ» բրիգադները ժամը 21:00-ին ըստ Գազայի ժամանակի (22:00՝ մոսկովյան ժամանակով) կհանձնեն իսրայելցի պատանդներից մեկի մարմինը, որը հայտնաբերվել է Գազա քաղաքի արևելքում՝ Աշ-Շուջայիա շրջանում», - ասվում է ՀԱՄԱՍ-ի ռազմական թևի հայտարարության մեջ։
Ավելի վաղ Իսրայելի վարչապետ Բենյամին Նեթանյահուի գրասենյակից լրագրողներին հայտնել էին, որ իսրայելցի դատաբժշկական փորձագետները նույնացրել են ևս մեկ պատանդի մարմին, որը ՀԱՄԱՍ-ը վերադարձրել է Իսրայլին համաձայնագրի շրջանակում։ Այսպիսով, պաղեստինցիները վերադարձրել են արդեն 28 պատանդներից 21-ի մարմինները։
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
