Բելգիայում այրվել է «Բարսելոնայի» երկրպագուներին տեղափոխող ավտոբուսը

Իսպանական «Բարսելոնա» ֆուտբոլային ակումբի երկրպագուներին Չեմպիոնների լիգայի խաղին բելգիական «Բրյուգե» ակումբի մարզադաշտ տեղափոխող ավտոբուսը հրդեհվել է, երկրպագուները տարհանվել են, հայտնում է Diario Sport թերթը:

Diario Sport-ի կողմից X սոցիալական ցանցում հրապարակված տեսանյութում երևում է ավտոբուսի հետևի մասում խիտ ծուխ և կրակ։ Արտակարգ իրավիճակների ծառայությունները օգնել են մարդկանց դուրս գալ մեքենայից։ Վիրավորների մասին տեղեկություններ չկան։

Չեմպիոնների լիգայի չորրորդ փուլում «Բրյուգեն» և «Բարսելոնան» կմրցեն միմյանց հետ։