Էնքան պարկեշտ մարդու տպավորություն էիք թողնում. սևազգեստ մայրը՝ Պապոյանին (տեսանյութ)
ՏեսանյութերՄեր հարցին լուծում տվեք, պարոն Պապոյան, այնքան պարկեշտ անձնավորության տպավորություն էիք թողնում, երբ Ազգային ժողովում էիք ու այս հարցը անընդհատ բարձրացնում էիք, դատախազին նույնիսկ հարցեր տվեցիք։ Այս մասին, այսօր՝ նոյեմբերի 6–ին, դիմելով կառավարության նիստին շտապող Էկոնոմիկայի նախարար Գևորգ Պապոյանին, ասաց սևազգեստ մայրերից մեկը։ Նշենք, որ նրանք արդեն տասնյակ տարիներ պահանջում են բացահայտել իրենց զինվոր որդիների մահվան հանգամանքները։
«Գիտե՞ք որ ամեն ինչ մնացել է Ազգային ժողովի պատերի ներսում»,–ասաց նա։
Ի պատասխան Պապոյանն ասաց. «Տեսեք, հարցի լուծում, թե ո՞վ է այս արարքների հեղինակը, ե՞րբ է արել, ինչ պայաններում և այլն, բնական է, չէ՞, որ ես չեմ կարող այդ հարցերի պատասխանը տալ, որովհետև ես այդ պաշտոնին չեմ»։
Մայրերը հակադարձեցին. «Մենք ձեզանից դա չենք ուզում, մենք ասում ենք՝ բարձրաձայնեք հարցը, ի վերջո ի՞նչ է լինելու այս գործերի ճակատագիրը։ Դուք ՔՊ–ի վարչության անդամ եք, կարծեմ ՔՊ նախագահի տեղակալն եք։ Խնդրում եմ՝ պարոն Փաշինյանին ասեք՝ ի՞նչ եղավ այս գործերը, ձեռքներդ լվում եք, քաշվում եք մի կողմ»։
Գևորգ Պապոյանը խոստացավ Գլխավոր դատախազին փոխանցել իրենց բողոքը։
«Դատախազը մեզ հետ չի ուզում հանդիպել, որ տեսնենք՝ որ գործը ինչ ընթացքի մեջ է, որ մենք էլ այստեղ չկանգնենք, ոչ ձեզ անհանգստացնենք, ոչ մյուսներին, որովհետև զինվորական դատախազը ասում է՝ ես ոչինչ չունեմ ձեզ ասելու։ Իսկ դատախազուհին մեզ ուղարկում է զինվորական դատախազի մոտ»,– ասացին ծնողները։
ՈՒՂԻՂ ԵԹԵՐ
Ամենադիտված 
Սպասվում է անոմալ տաք եղանակ՝ նորմայից մինչև 25 աստիճան բարձր
