Լեհաստանում ազգային պատկանելության պատճառով` աճել է ուկրաինացիների վրա հարձակումների թիվը

Լեհաստանում ուկրաինացիների դեմ քսենոֆոբիայի, ռասիզմի կամ կրոնական անհանդուրժողականության հողի վրա կատարված հանցագործությունների թիվը վերջին երկու տարիների ընթացքում աճել է ավելի քան 66%-ով: Այս մասին հաղորդում է լեհական Onet հրատարակությունը։

Իրավապահ մարմինների տվյալներով՝ 2025 թվականի հունվարի 1-ից մինչև հուլիսի 31-ը գրանցվել է 543 նման հանցագործություն, ինչը 159-ով ավելի է, քան 2024 թվականի նույն ժամանակահատվածում (384 դեպք)։ Սա կազմում է 41% աճ։

Հանցագործությունների ամենամեծ թիվը կապված է եղել անձի դեմ հանցագործություն կատարելու սպառնալիքի հետ (Լեհաստանի քրեական օրենսգրքի 190-րդ հոդվածի 1-ին կետ)՝ հունվարից մինչև հուլիս գրանցվել է 322 նման դեպք։ Համեմատության համար՝ ամբողջ 2022 թվականին գրանցվել է 317 նման հանցագործություն, 2023 թվականին՝ 359, իսկ 2024 թվականին՝ 479։