Նիգերիայի ԱԳ նախարարը արձագանքել է Թրամփի՝ աֆրիկյան երկիր զորքեր ուղարկելու մասին հայտարարություններին

Նիգերիան չի ցանկանում դառնալ հաջորդ Լիբիան կամ հաջորդ Սուդանը։ Այս մասին հայտարարել է Նիգերիայի արտաքին գործերի նախարար Յուսուֆ Տուգգարը՝ մեկնաբանելով ԱՄՆ նախագահ Դոնալդ Թրամփի՝ Արևմտյան Աֆրիկայի այդ երկրում քրիստոնյաների համար «գոյության սպառնալիքի» մասին արված խոսքերը, գրում է The New York Times-ը։

Դիվանագետը ընդգծել է, որ Նիգերիան աղետի եզրին հասցնելը չի ​​համապատասխանում մնացած աշխարհի շահերին։

Տուգգարը կոչ է արել Միացյալ Նահանգներին աջակցել Նիգերիային՝ փոխարենը բաժանելու նրա հասարակությունը և երկիրը վերածելու ձախողված պետության։