Նենսի Փելոսին հայտարարել Է Կոնգրեսից հեռանալու մասին

Ներկայացուցիչների պալատի նախկին նախագահ Նենսի Փելոսին հայտարարել է, որ լքում է ԱՄՆ Կոնգրեսը, հայտնում է The Washington Post-ը։ Ինչպես գրում է պարբերականը, նա ավարտում է գրեթե քառասուն տարի տևած իր քաղաքական գործունեությունը, որն աննախադեպ է Կոնգրեսի պատմության մեջ։

«Ես այլևս չեմ առաջադրվելու Կոնգրեսում։ Շնորհակալությամբ լցված սրտով ես սպասում եմ իմ աշխատանքի վերջին տարուն՝ որպես ձեր ներկայացուցիչ», — հայտարարել է նա։

Փելոսին դարձել է առաջին խոսնակը, որը զբաղեցրել է այդ պաշտոնը մի քանի ժամկետ շարունակ՝ սկսած 1950-ականներից։ 2007 թվականին նա դարձավ ԱՄՆ պատմության մեջ առաջին կինն, ով զբաղեցրել է Ներկայացուցիչների պալատի խոսնակի պաշտոնը։ Կոնգրեսում իր գործունեության տարիներին Փելոսին եղել է ամերիկյան քաղաքականության ամենաազդեցիկ գործիչներից մեկը։ Նա ակտիվ մասնակցություն է ունեցել կարևոր օրենքների ընդունմանն ու քաղաքական օրակարգի ձևավորմանը։