Արդյո՞ք ԱՄՆ-ը կհարվածի Վենեսուելային

ԱՄՆ-ի նախագահ Դոնալդ Թրամփի վարչակազմը հայտարարել է, որ չի ծրագրում հարվածներ հասցնել Վենեսուելայի տարածքին և չունի իրավական հիմքեր նման գործողությունների համար, հայտնում է CNN հեռուստաալիքը՝ հղում անելով աղբյուրներին։

«Գաղտնի նիստի ընթացքում օրենսդիրներին տեղեկացվել է, որ Ամերիկայի արդարադատության նախարարության իրավական խորհրդատուի կարծիքը թույլ չի տալիս հարվածներ հասցնել հենց Վենեսուելայի տարածքին կամ այլ որևէ տարածքի», -ասվում է հաղորդման մեջ։

Միևնույն ժամանակ, հեռուստաալիքը նշում է, որ Սպիտակ տունը ցանկանում է արդարադատության նախարարությունից նոր կարծիք ստանալ, որը թույլ կտա հարվածներ հասցնել ցամաքային նպատակներին առանց ԱՄՆ Կոնգրեսի թույլտվության։ «Արդյունքը, որը այսօր ճիշտ է, վաղը կարող է փոփոխվել», - ասել է ամերիկացի պաշտոնյան անանունության պայմանով՝ մեկնաբանելով Թրամփի վարչակազմի ներկա դիրքորոշումը Վենեսուելայի վերաբերյալ։

Նախկինում The New York Times թերթը գրել էր, որ Թրամփի վարչակազմը դիտարկում է երեք հնարավոր ռազմական գործողությունների սցենար Վենեսուելայի դեմ՝ Մադուրոյին իշխանությունից հեռացնելու նպատակով։