Ի՞նչ է ակնկալում Բաքուն ԱՄՆ–ից

ԱՄՆ այցի պատմականորեն և խորհրդանշականորեն նշանակալից պահերից մեկը ԱՄՆ նախագահի կողմից «Ազատության աջակցության մասին» (Freedom Support Act) օրենքի 907-րդ բաժնի ժամանակավորապես կասեցման մասին գործադիր հրամանագրի ստորագրումն էր՝ նախագահ Իլհամ Ալիևի ներկայությամբ։

Այս մասին հայտարարել է Ադրբեջանի արտաքին գործերի նախարարության մամուլի ծառայության ղեկավար Այհան Հաջիզադեն APA լրատվական գործակալությանը տված հարցազրույցում։

«Բոլորին հայտնի է, որ 1992 թվականին ընդունված այս փոփոխությունը արգելում էր Միացյալ Նահանգների կողմից Ադրբեջանին պետական ​​օգնության տրամադրումը և անարդար միջոցառում էր, որը բացահայտ խտրականություն էր դրսևորում մեր երկրի նկատմամբ։ Այս փոփոխությունը երկար ժամանակ բարդացնում էր երկկողմ հարաբերությունները։

ԱՄՆ նախագահի կողմից ձեռնարկված քայլը արտացոլում է ադրբեջանա-ամերիկյան գործընկերության իրական էությունը և ամրապնդում է մեր երկրների միջև փոխադարձ վստահությունն ու ռազմավարական համագործակցությունը։ Այս քայլը նաև նշանավորում է Միացյալ Նահանգների հետ համագործակցության նոր փուլի սկիզբը։ Մենք հույս ունենք, որ հաշվի առնելով Ադրբեջանի և Միացյալ Նահանգների միջև հարաբերությունների զարգացման հեռանկարները, ինչպես նաև մեր երկրի աճող դերը ավելի լայն տարածաշրջանում, ամերիկյան կողմը գործնական միջոցներ կձեռնարկի 907-րդ ուղղումը լիովին չեղյալ համարելու համար», - ընդգծել է Այխան Հաջիզադեն։