WhatsApp-ը կթույլատրի շփվել առանց հեռախոսահամարի՝ ներկայացնելով օգտանունների համակարգ

2026 թվականին WhatsApp մեսենջերում կհայտնվի նոր ֆունկցիա, որը կթույլատրի օգտատերերին շփվել առանց հեռախոսահամարի՝ օգտագործելով օգտանուններ։ Այս մասին հայտնում է WABetainfo-ն։

Նոր համակարգը, որը Telegram-ում գործում է արդեն 2014 թվականից, նախատեսված է անձնական տվյալների պաշտպանությունն ու գաղտնիությունը բարձրացնելու համար։ Յուրաքանչյուր օգտատեր կունենա յուրահատուկ նույնականացուցիչ՝ BSUID, որի միջոցով ընկերությունները կամ օգտատերերը կարող են հաղորդագրություններ ուղարկել առանց համար իմանալու։

Ըստ աղբյուրի՝ այս նոր հնարավորությունը կհամալրի WhatsApp-ի սպասվող թարմացումների շարքը։ Ավելի վաղ հաղորդվել էր, որ մեսենջերում նախատեսվում է նաև ներդնել արհեստական բանականությամբ աշխատող չաթ-բոթերի առանձին բաժին։