Թուրքիան Նեթանյահուին մեղադրում է ցեղասպանության մեջ․ դատարանը ձերբակալման օրդեր է տվել

Ստամբուլի գլխավոր դատախազությունը հայտարարել է, որ դատարանը հետախուզման օրդեր է տվել Իսրայելի վարչապետ Բենիամին Նեթանյահուի, ինչպես նաև Իսրայելի կառավարության և զինված ուժերի մի շարք բարձրաստիճան պաշտոնյաների նկատմամբ՝ նրանց մեղադրելով մարդկության դեմ հանցագործությունների և ցեղասպանության մեջ։

«Գլխավոր դատախազության հարցման հիման վրա Ստամբուլի քրեական գործերով հերթապահ դատավորը տվել է 37 անձանց ձերբակալման օրդեր, այդ թվում՝ Իսրայելի վարչապետ Բենիամին Նեթանյահուի, պաշտպանության նախարար Իսրայել Կացայի, ազգային անվտանգության նախարար Իթամար Բեն Գվիրի, Իսրայելի բանակի Գլխավոր շտաբի պետ Էյալ Զամիրի և ռազմածովային ուժերի հրամանատար Դավիդ Սահար Սալամեի նկատմամբ», - նշվում է դատախազության հաղորդագրության մեջ։

Նրանց մեղադրանք է առաջադրվել Թուրքիայի Քրեական օրենսգրքի 77-րդ հոդվածով նախատեսված մարդկության դեմ հանցագործությունների, ինչպես նաև 76-րդ հոդվածով նախատեսված հոդվածներով։