ԱՄՆ-ում ուղղաթիռ է կործանվել

ԱՄՆ Թենեսի նահանգում վթարի է ենթարկվել բժշկական ուղղաթիռ, որը տեղափոխում էր անձնակազմի երեք անդամի: Վանդերբիլտի համալսարանի բժշկական կենտրոնի (VMU) Vanderbilt LifeFlight օդային շտապօգնության ծառայությունը վթարի մասին հայտնել է Facebook-ում։

 

«Vanderbilt LifeFlight ուղղաթիռը այսօր կեսօրին վթարի է ենթարկվել Թենեսիի Ուիլսոն շրջանում», - ասվում է հայտարարության մեջ։

 

Ծառայության տվյալներով՝ Լիբանան քաղաքի մոտակայքում տեղի ունեցած միջադեպի հետևանքով զոհվել է անձնակազմի մեկ անդամ, ևս երկուսը վիրավորվել են։ Վիրավորները ներկայումս գտնվում են ծանր վիճակում և բուժում են ստանում Վանդերբիլտի համալսարանական հիվանդանոցում։

 

Vanderbilt LifeFlight-ը պարզաբանել է, որ միջադեպի պահին ինքնաթիռում հիվանդներ չեն եղել։