Հիվանդությունները կարող են հիմք հանդիսանալ ԱՄՆ վիզաների մերժման համար

ԱՄՆ նախագահ Դոնալդ Թրամփի վարչակազմը նոր կանոններ է սահմանել հյուպատոսությունների և դեսպանատների համար՝ զգալիորեն ընդլայնելով վիզաների մերժման չափանիշները: Այժմ ԱՄՆ հյուպատոսություններն ու դեսպանատները լիազորություն ունեն մերժել վիզաների տրամադրումը սրտանոթային, շնչառական, ուռուցքաբանական, նյարդաբանական և հոգեկան առողջության խնդիրներ ունեցող դիմորդներին: Ցանկում ներառված են նաև շաքարախտը, նյութափոխանակության խանգարումները և ճարպակալումը, որոնք կարող են առաջացնել ասթմա, քնի ապնոէ և արյան բարձր ճնշում:

Այս մասին հաղորդվել է CBS News-ի հաղորդագրության մեջ:

Նշվում է, որ այս հիվանդությունները կարող են պահանջել երկարատև և թանկ բուժում, որի ծախսերը, ըստ ԱՄՆ իշխանությունների, պետք է հոգա դիմորդը, այլ ոչ թե ԱՄՆ կառավարությունն՝ իր միջոցներով:

Վիզայի աշխատակիցները պետք է ստուգեն, թե արդյոք դիմորդն ունի բժշկական ծառայությունների համար վճարելու միջոցներ և վիզա տրամադրելու որոշումները կայացնելիս հիմնվեն դրա վրա: Մասնագետները նշում են, որ սա զգալիորեն կբարդացնի մուտքի գործընթացը մեծ թվով տարեցների և քրոնիկ հիվանդություններ ունեցողների համար: