Հարավային Կորեան ԿԺԴՀ-ի հետ պատերազմ է ծրագրել․ CNN

Հարավային Կորեայի դատախազությունը երկրի նախկին նախագահ Յուն Սոկ Յոլին մեղադրել է ԿԺԴՀ-ի հետ պատերազմ ծրագրելու մեջ: Այս մասին հայտնում է CNN News-ը։

Դատախազի խոսքով՝ Յուն Սոկ Յոլը փորձել է ռազմական հակամարտություն հրահրել Հյուսիսային Կորեայի հետ, որպեսզի ռազմական դրություն մտցնի: Նա նշել է, որ այդ մասին վկայում են ռազմական պաշտոնյաներից մեկի բջջային հեռախոսում հայտնաբերված ապացույցները, որոնք ներառել են ԿԺԴՀ-ի դեմ հնարավոր սադրանքների մասին մատնանշող այնպիսի բառեր, ինչպիսիք են «անօդաչուները» և «վիրաբուժական հարվածը»:

Նախկին նախագահի պնդմամբ՝ ռազմական դրություն Է հայտարարվել ընդդիմադիր կուսակցությունների հակաիրավական գործողությունների վրա ուշադրություն հրավիրելու և ժողովրդավարությունը «հակապետական» տարրերից պաշտպանելու, այլ ոչ թե ռազմական բռնապետություն հաստատելու նպատակով։