Թեհրանն ուսումնասիրում է ԱՄՆ–ի դեմ հայց ներկայացնելու իրավական ուղիները․ Իրանի ԱԳՆ խոսնակ

Իրանի արտաքին գործերի Արտաքին գործերի նախարարության խոսնակ Էսմայիլ Բաղային հայտարարել է, որ նոյեմբերի 16-ին տեղի կունենա միջազգային համաժողով, որին կմասնակցեն տարբեր երկրների ներկայացուցիչներ։ Համաժողովին կքննարկվեն Իրանի դեմ ԱՄՆ-ի և Իսրայելի ռազմական ագրեսիայի իրավական կողմերը։

Երկուշաբթի օրը ամենշաբաթյա մամուլի ասուլիսի ժամանակ Բաքային նշել է, որ առաջիկայում կայանալիք միջոցառումը հիմնականում կկենտրոնանա հունիսին Իրանի միջուկային օբյեկտների վրա ԱՄՆ-ի և Իսրայելի կողմից իրականացված հարձակումների վրա, միևնույն ժամանակ կքննարկվեն նաև այլ հարակից հարցեր։

Նա նշել է, որ համաժողովի նպատակն է միջազգային ուշադրությունը հրավիրել այն գործողությունների վրա, որոնք ուղղված էին ոչ միայն անկախ ազգի, այլև գլոբալ համակեցության սկզբունքների դեմ։

Խոսնակը Իրանի դեմ ռազմական հարձակումները որակել է որպես «միակողմանի գերիշխանության հստակ օրինակ, որը մտահոգում է ողջ միջազգային հանրությանը»։

Մեկնաբանելով ԱՄՆ նախագահ Դոնալդ Թրամփի կողմից Իրանի դեմ հարվածներում Վաշինգտոնի անմիջական դերի վերաբերյալ վերջերս արված խոստովանությունը՝ Բաղային ասել է, որ սա ռազմական ագրեսիային ԱՄՆ մասնակցությունը հաստատող վերջին և ամենաակնհայտ ապացույցներից մեկն է։

Նրա խոսքով՝ Թրամփի հայտարարությունը հավասարազոր է «միջազգային հանցագործության» խոստովանության։

Խոսնակը նշել է, որ Իրանը Թրամփի հայտարարությունը անմիջապես գրանցել է որպես պաշտոնական փաստաթուղթ ՄԱԿ-ում և այն կօգտագործի որպես ԱՄՆ ագրեսիայի ապացույց ցանկացած միջազգային ատյանում։

Նա նշել է, որ Թեհրանն այժմ ուսումնասիրում է Միացյալ Նահանգների դեմ հայց ներկայացնելու բոլոր հնարավոր իրավական ուղիները։